انواع الشباب على النت ؟؟؟

استعرض الموضوع السابق استعرض الموضوع التالي اذهب الى الأسفل

انواع الشباب على النت ؟؟؟

مُساهمة من طرف وردة المنتدى في الجمعة يوليو 18, 2008 11:22 pm

طبعا العمر يتراوح من 22 الى ما فوق ... وتلاقيه اول ما يدخل هاي ممكن
نتعرف انا فلان ومن الحته الفلانيه وتحسي ان فيه حنفيه معلومات اتفتحت
واي حاجة تقوليهاله يقولك يعني ايه مش فاهم وبعد كل كلمة يقولك اصل
انا لسه جديد في النت

والنوعية دي تنقسم لقسمين :
1- يا اما متحمس وحط ف دماغه موضوع النت وعايز يتعلم
2- يا اما سمع من صحابه عن النت والبنات وجاي يجرب حظه

المرحلة الثانية:

الي بيقعد على النت بس مش كتير)

النوع ده كل كلامه انا مشغولياتي كتير ومبحبش النت والكلام ده وبعد ما
يكلم شوية يقولك ممكن نكمل كلام في التليفون انا اصلي مبدخلش النت
كتير ومليش خلق للكتابة والحاجات دي

والنوعيه دي تنقسم الى قسمين:
1- يا اما يبقى لحوح ويفضل يطلب نفس الطلب وصباح الملل
2- يا اما يبقى عنده عزة نفس وميلحش بس هيتعصب وهيقولك اعمليلي بلوك

المرحله التالته

الي قاعد على النت ليل نهار)
ده بقى شرحه يطول وينقسم لعدة انواع


1- المقموص


ده بقى قاعد وحاطط ايده على زرار الزعل اي حاجة تقوليها تبقي بتقصديه
او بتقللي من شانه وبعد كام مرة كلام ممكن يقولك اديني نمرة تليفونك
ولما تعتذري هيقولك انا هحترم رغبتك وهيركبلك الوش الخشب ومن وقت
للتاني هتاخدي البلوك ف وشك فنصيحه من اولها كده اديله بلوك وديليت


2- ابو دم خفيف

ده شلل مركز ومتعرفيش مين الي خدعه وقاله ان دمه خفيف وكل كلامه قفشات
وضحك والمفروض انك تكوني مجامله وتضحكي بس منصحكيش تيجي على اعصابك

3- المودي

دي بقة شخصية بتتنوع كل يوم على حسب المود وهتحسي انك بتكلمي واحد
عنده انفصام ف الشخصية النهاردة رزين وعاقل وبكرة لاسع وبعد يومين رخم
وبعدها كيوت وفريندلي طبعا الحكايه مش ناقصة جنان كفايه الي الواحد
فيه



4- اللزقه

والنوع ده عايز حزم ف التعامل معاه لأن كل كلامه انتي فين ؟ بتتاخري
في الرد ليه؟ انتي بتكلمي حد ؟؟ ياعم وانت مالك بتتحشر
ليه ......ولو قلتيله ثواني هيقولك ليه رايحة فين؟ متتاخريش ... ايه
ده انتي لسه مجيتيش ؟؟؟





5- الناصح

صباح الصداع مع كل جمله هتقوليها هتاخدي نصيحة وفيه عرض خاص قولي
جملتين وخدي اربع نصايح العرض مستمر حتى نفاد الكمية ........ولو على
منتدى زينا كده هتلاقيه بيقولك ليه حطيتي التوبيك ده وليه شيلتي
الصورة دي وحطيتي التانية انا انصحك انك تخليه يحصل اخواته الي فاتوا
يعني بلوك وديليت



6- دون جوان


انا فيا جاذبية وكل البنات بتعجب بيا ....... ايام ما كنت ف الكليه
كنت عامل ازمه والبنات بتتخانق عليا...... المصيبة بقى ان اي جمله
هتقوليها هيفهم ان انتي معجبه اصله مش بمزاجك هتحبيه يعني هتحبيه



7- محروم بنات

ده بقى لو في منتدى او ميل جروب تلاقيه مركز على كل البنات ومبيعملش
اي حاجة تانية غير كده الكوميدي بقى لما يتلخبط ويعتقد ان الأسم ده
انثوي ويندمج وبعدين يطلع واحد صاحبه




8- الكدااااب

من اول الأسم والسن واي معلومة خدتيها كدب في كدب ومتعرفيش ليه ده بقى
انصحيه وخليه يغير اسمه على الماسنجر ويخليه مسيلمة الكداب



9- العبيط


ده هتلاقيه على طول حاطط صورته وذنب عليكي تتفرجي ويشيل الصورة دي يحط
التانية وكل شوية يفتح الكاميرا مع نفسه




10- بابا اوبح


ده ممكن يكون على النت من سنة 96 واتخرج واشتغل واتجوز وجاب عيال ولسه
قاعد يتعرف على بنات وكل ما يكلم واحدة يقنعها انه مش متجوز وبيدور
على عروسة وصباح السرحان ولو جربتي كل يوم تدخليله بايميل غير التاني
هتسمعي قصة حياته كل يوم مختلفة
avatar
وردة المنتدى
Beginner
Beginner

عدد الرسائل : 147
العمر : 25
تاريخ التسجيل : 29/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: انواع الشباب على النت ؟؟؟

مُساهمة من طرف حنين في السبت يوليو 19, 2008 2:39 pm

الموضوع بجد لطيف جدا جدا وكمان فيه نصايح لكل البنات بس بطريقه ظريفه جدا وبصراحه انا اشهدلك ان موضوعاتك كلها جميله جدا واختيارات مواضيعك كلها لطيفه جدا ميرسى على كل المواضيع وان شاء الله مزيد من المواضيع الجيده

حنين
New Step
New Step

عدد الرسائل : 16
تاريخ التسجيل : 15/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: انواع الشباب على النت ؟؟؟

مُساهمة من طرف A7mad Alkady في السبت يوليو 19, 2008 10:13 pm

ana elmar7ala rkm 2
el7amdollah
avatar
A7mad Alkady
Professional
Professional

عدد الرسائل : 1120
العمر : 29
تاريخ التسجيل : 05/08/2007

معاينة صفحة البيانات الشخصي للعضو http://www.djtiesto.com

الرجوع الى أعلى الصفحة اذهب الى الأسفل

رد: انواع الشباب على النت ؟؟؟

مُساهمة من طرف alaa في الأحد يوليو 20, 2008 12:28 am

انا والله بستغرب جدااااا لما أسمع عن البنات إللي بتكلم شباب علي النت بيتعرفوا عليهم من خلال الشات مش متخيلة إزاي بجد وبصراحة البنات إللي غلطانة العيب مش علي الشباب البنت هي إللي يخليها تكلم واحد ما تعرفهوش ليه بجد مهزلة وإنحطاط اخلاقي
avatar
alaa
Professional
Professional

عدد الرسائل : 1078
تاريخ التسجيل : 03/08/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: انواع الشباب على النت ؟؟؟

مُساهمة من طرف A7mad Alkady في الأحد يوليو 20, 2008 11:14 pm

هنعمل ايه بقي يا الاء

ما هودا الصيف والدنيا والعه فيه علي طووووووووول
وبعدين المحترمين الي زيك وزي اخواتنا في المنتدي هنا بقوا بجد قليلين اوي
avatar
A7mad Alkady
Professional
Professional

عدد الرسائل : 1120
العمر : 29
تاريخ التسجيل : 05/08/2007

معاينة صفحة البيانات الشخصي للعضو http://www.djtiesto.com

الرجوع الى أعلى الصفحة اذهب الى الأسفل

رد: انواع الشباب على النت ؟؟؟

مُساهمة من طرف امير الاحزان في الإثنين يوليو 21, 2008 1:43 pm

with you my friend
avatar
امير الاحزان
amateur
amateur

عدد الرسائل : 291
العمر : 29
تاريخ التسجيل : 12/09/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: انواع الشباب على النت ؟؟؟

مُساهمة من طرف وردة المنتدى في الثلاثاء يوليو 22, 2008 12:15 am

شكرا يا جماعة على الردود الحلوة دى
بس انا عاوزة اوضح ل الاء حاجة انا كتبت الموضوع زى ما حنين قالت فيه نصايح بطريقة ظريفة
لكن مش معنى انى كتبت الموضوع ده يبقى انا من البنات دى وزى ما اسلام واحمد قالوا ان مفيش حد من المنتدى زى البنات دى
وشكرا اوى ليكى
avatar
وردة المنتدى
Beginner
Beginner

عدد الرسائل : 147
العمر : 25
تاريخ التسجيل : 29/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: انواع الشباب على النت ؟؟؟

مُساهمة من طرف alaa في الثلاثاء يوليو 22, 2008 2:00 am

في إيه يا وردة إيه إللي إنتي بتقولي ده
إنتي فهمتي كلامي غلط خالص انا أصلا تفكيري ما يوصلنيش إني افكر كده خالص انا بجد اضيقت اوي لما قريت إللي كتبتيه انا مش قصدي إللي وصلك ده والله انا ذهلت لما تخيلت إنك فهمتي كلامي كده
avatar
alaa
Professional
Professional

عدد الرسائل : 1078
تاريخ التسجيل : 03/08/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى