مصر بلد الامن والامان

اذهب الى الأسفل

مصر بلد الامن والامان

مُساهمة من طرف aly_eltawargy في السبت يوليو 05, 2008 4:35 pm




مصر بلد الامن والامان







الموضوع ده موجود فى جروب على الفيس بوك وقررته انقله هنا

القتيل اسمه أسامه السيد سليمان شاب فى العشرينات طالب بكلية الحقوق وهو قد
خرج للصيد بالمجرى الملاحى لقناة السويس يوم القتل مع اثنين من اصدقائه من
عزبة البهتينى بالاسماعيلية وهو أمر معتاد بالنسبة للصيادين الذين لا يجدون
حتى الطعام بسبب اجراءات غلق البحر بسبب عبور المواكب والمواكب من القناة
وتخيل ان دخلك اليومى تعتمد فيه على رزق البحر ثم تأتى سفينة حربية او
اخرى مطلوب تأمينها لسبب ما فيتم اغلاق البحر عن الصيادين ويتحرقوا بقى
الصيادين واللى خلفوهم يعنى مش مهم يكلوا اليومين دول لحد لما يفتحوا القناة
تانى ....
ويحكى أخوه انه قال لأسامة بعد جلوس فى البيت أربعين يوماً بدون النزول الى
الصيد فقالوا فى حد يروح يصطاد وعنده امتحان فى اليوم اللى بعده فقالوا
ممعيش فلوس المواصلات علشان يسافر لكليته ويمتحن زى باقى البنى آدميين يعنى شاب
راجل وجدع اتكسف يمد ايده وراح يجيب عشرة جنيه ولا عشرين جنيه يسافر بيها
ووهو طالع للصيد سألته أمه تحب تفطر ايه يا أسامه لما ترجع ان شاء الله قالها
أفطر زبادى يا امه فأحضرت له الزبادى وانتظرته ..... صبركى الله يا أم
أسامة وصبر كل مظلوم مسلم
وأثناء الصيد قام الضابط والعساكر اللى معاه بالنداء عليهم وقالوا لهم
تعالوا فردوا عليهم وقالوا حاضر جايين ياباشا لحد كده كويس مفيش مشكلة
وقام صاحبه الذى يمسك بالمجداف بالتجديف ناحية القوة ففتحوا النار عليهم
بشكل لم يعتاده الصيادين أبداً فسقط الثلاثة فى قعر الفلوكة وظل الذى على
المجداف يجدف وهو جالس فى قعر المركب والاثنين الاخريين والذى بينهم القتيل
مستخبيين من ضرب النار فى طرف الفلوكة ومن شدة صغر المركب فلم يستطيع
الاثنان ان يستخفوا بشكل كامل فظهر ظهر أسامة فأصابته الطلقة فى ظهره
ويقول صديقه الذى كان ملتصقاً به ان أسامة عندما أصابته الطلقة مات على
الفور والسبب طبعاً قرب المسافة جداً بين القوة وبين الفلوكة والتى كانت حوالى
عشرين متر وعندما أكمل الشاب الذى يجدف بالسير فى اتجاه القوة وصلوا لهم فرأى
الضابط ان أحدهم قتل فتخيل أخى الفاضل ما هى الكلمة التى قالها قال لهم
واحد بس اللى مات ..... ده انا أفتكرتكم انت الثلاثة .... أقلع يلا أنت
وهو وخلع الاثنين هدومهم بالكامل فى عز البرد يعنى مش كفاية شافوا الموت
بعنيهم لأ ده أنت فى مصر لازم لو نجوت من القتل تذل من مواطن من نفس جلدتك
ويتكلم بلغتك ... حسبنا الله ونعم الوكيل ..... المشكلة فى الموضوع كله انهم
كانوا راحيين له فايه سبب ضرب النار مش عارف افترى وخلاص بقينا أقل من
الحيوانات ... واليوم ده كان برد جداً انا فاكر انى كنت متغطى بلحافين
وبطانية وبكامل هدومى وبرضوا سقعان مش عارف ده ازاى جالوا قلب يعمل كده
يعنى مش كفاية القتل لأ لازم يكمل بالتعذيب ويحكى أصدقائه فيقولوا ان
موتوسيكل من المخابرات العسكرية تم ارساله وقت الضرب الى الضابط ليقول له
بيقولولك وقف الضرب انت بتضرب نار على مين ؟؟؟ يعنى ضرب النار كان على
ودنه بطريقة هيستيرية كما يحكى أصحاب الحادثة حوالى خمسين رصاصة ومن ضفتى
القناة وليس من ناحية واحدة كما يحكون وعند حضور رئيس النيابة العسكرية
لمكان القتل قال للضابط انا شايفهم صيادين يعنى مش شايف تجار مخدرات علشان
تضرب عليهم نار بالشكل ده
وتم اخذ الجثة وأصدقاء القتيل الى معسكر الجلاء بالجيش الثانى الميدانى
بالاسماعيلية ولم يسلموا أهله جثته بالرغم من بقائهم فى عز البرد امام معسكر
الجلاء حتى استعمل الاهالى من هذه العزبة وهم مخنوقين من الحكومة بشكل فظيع من
قبل الحادثة فما بالك بعد مقتل صياد منهم فقاموا بغلق الطريق وللعلم ان
جهاز مباحث أمن الدولة ملاصق لهذه العزبة ولم يستطيع أحد منعهم طبعاً لانهم
كانوا على شعره وكل واحد عاوز ينفث غضبه لحد لما حضر لهم نائب مدير الامن
وعرف الموضوع بنفسه ورجع لمدير الامن الذى اتصل بالمشير طنطاوى والذى اتصل
بقائد الجيش وقالوه قيما معناه خلص الموضوع وسلمهم الجثة فأستلم اخوه محمد
الجثة وذهبوا لتغسيله تمهيداً لدفنه ويحكى ان الدم كان يسيل من انفه وفمه
وبالطبع من مكان الطلق النارى بالظهر وكيف ان وجهه كان مختلط بالرمال
والدم رمال ضفة القناة التى شربت من دماء الكثير من اهل هذه المنطقة فى
الحروب السابقة بأيدى العدو أما الآن فلا نعرف من هو العدو بالضبط ....ودفن
بالطبع بعد مسيرة وهتافات من اهله الغلابة وتواجد امنى كبير الى حد بعيد جداً
جداً لم تعتاده هذه المدينة ولكن الغضب يفعل الكثير وسيفعل الكثير ... وهناك
من يقوموا الآن من العسكريين بمساومة اهل القتيل بأن يقوموا بتعيين أحد من
اقارب القتيل فى هيئة قناة السويس وهو المكان الافضل للعمل فى محافظة
الاسماعيلية شوف يا اخى الجبن بيستغلوا حالة الفقر لاهله ازاى بكل بجاحة ورد
عليهم اخوه فقال للضابط بعد المحاكمة ابقوا عينوا اللى انتوا عايزينوا !!!
ويحكى اخوه ان امه لم تصدق ان ابنها مات الا بعد ان أقسم لها انه لسه مغسله
دلوقتى فقالت له غسلته بأى ايد يابنى وفضلت تبوس فى ايده وتحضن فى ايده وتصرخ
وتنادى على ابنها أسامة .... ألا لعنة الله على الظالمين
اخوه الآن بيقابل كل شوية ناس كتير مستشار عسكرى ورئيس النيابة العسكرية
وناس كتير واخر حاجة انه قالوا له لو عاوز تكمل فى الموضوع لازم نطلع الجثة
ونشرحها ونطلع الرصاصة فشاور اهله ووافقوا على اخراج الجثة وهو يريد فقط
ان يعاقب المسئول ويفضح الجناة ولكنه لا يعرف اتجاه يسير فيه وهم فقراء وربما
لا يجد فلوس المواصلات ليسير فى هذا الموضوع ... والضابط الآن محبوس هو والعساكر
فى معسكر الجلاء بالاسماعيلية لاستكمال التحقيقات والتظبيطات وخلافه فهل من
مساعد لاخذ حق هؤلاء الغلابة وسيظلوا يدعون لمن ساعدهم الى يوم القيامة

انا ليا تعليق واحد علي الموضوع ده

لو الموضوع ده حصل بجد يبقى احنا فعلا فى مصر بلد الامن والامان

وحسبي الله ونعم الوكيل
avatar
aly_eltawargy
Professional
Professional

عدد الرسائل : 845
العمر : 29
البلد : Ismailia
تاريخ التسجيل : 11/09/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مصر بلد الامن والامان

مُساهمة من طرف Maha Hegazy في السبت يوليو 05, 2008 4:58 pm

بجد موضوع صعب فى غايه الحزن انا مش عارفه اتكلم من الصدمه
ليه اللى بيحصل دا مش ممكن والله العظيم
يعنى بتهيئلى لو كانوا تجار مخدرات مكنش اتعمل فيهم كدا والله
يعنى مش كفايه بيجرى على اكل عيشه وفى قمه الكرامه وعزه النفس ومش عاوز يمد ايده لحد
لا كمان مش عاجب هما عاوزين مننا ايه ناقص ايه تانى عشان نقول حراااااااااااااااااااااام وكفــــــــــــايه بقى كدا
بجد االولد دا لو مخدش حقه من الناس دى يبقى كدا بجد افترى وفعلا كدا بيدوسوا على الناس الغلابه علنى

فعلا فعلا مش قدره اقول غير ان لله وانا اليه راجعون على الشا ب الرائع دا
وحسبى الله ونعم الوكيل على الظالم ..... ربنا مبيسبش حق حد ابدا

وشكرا يا على على موضوعك الرائع والمؤثر جداااااااااااااااااااا اويييييييييييييييييييييي دا

_________________
avatar
Maha Hegazy
مدير عام
مدير عام

عدد الرسائل : 1086
تاريخ التسجيل : 09/10/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مصر بلد الامن والامان

مُساهمة من طرف aly_eltawargy في السبت يوليو 05, 2008 6:04 pm



في الاول احب اشكرك يا مها علي ردك علي الموضوع

وانا كنت علي علم بهذه الحادثة منذ مايو الماضي واتاكدت انها حقيقة

واتقابلت فعلا مع بعض من ما يعرفون هذا الشاب

نظرا لان هذه القضية اثرت فيا وفي مجموعة من زملائي

فقررنا باي طريقة ان نساعد اسرة هذا الشاب الفقيد

الذي لم يجرم ولم يفعل شيء ان يفقد حياته سوي انه شاب لديه عزة نفس

ولا كان يتحمل او يقدر علي مساعدة من اي شخص لانه لديه كرامه

وكان يجري يوميا علي قوت يومه من خلال المهنة الوحيدة الذي يقدر ان يفعلها

وهي مهنة الصيد التي اصبحت خطر يهدد كل من يمتهنها

لذلك منذ سماعي لهذه القصة ومشاهدتي لبعض اصدقاء الضحية

قررت ان لا اقف ساكنا اتجاه تلك القضية وحق شاب ليس له اي ادني ذنب

فذهبنا لمجموعة رجال اعمال اسمعلاوية من بينهم سيدة اعمال كبيرة مشهورة

التي قررت رصد مبلغ كبير لاهل الشاب الضحية والشهيد

هذا هو الرد الفعل الطبيعي اتجاه حادثة بمثل هذه البشاعة تجاه شاب بريء

ولكن ما رد فعل حكومتنا الموقرة تجاه تلك الحادثه البشعة

اليكم الان رد فعل حكومتنا تجاه مرتكبي هذه الجريمة ......

حكمت المحكمة بتاريخ 1\7\2008

بحبس الشاب القتيل هو ومن معهم بالحبس لمدة 6 شهور

وبراءة الظابط المتهم هو والعساكر التي كانت معهم

ده حكم المحكمة يا جماعة وده قضاءنا العادل

يعني الواد مموتهوش بس لا ده حبسوه وهو ميت كمان

بجد مفيش كلمة تقدر تطلع مدي غضبي لحكومتنا الموقرة منذ سماعي لهذا الحكم

ومش هقدر اقول غير .....

صبركى الله يا أم أسامة وصبر كل مظلوم مسلم
وحسبي الله ونعم الوكيل في حكومتنا وقضاءنا العادل ده

avatar
aly_eltawargy
Professional
Professional

عدد الرسائل : 845
العمر : 29
البلد : Ismailia
تاريخ التسجيل : 11/09/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مصر بلد الامن والامان

مُساهمة من طرف Maha Hegazy في السبت يوليو 05, 2008 8:25 pm

انا مش عارفه اقول ايه بجد انا متنرفزه اويييييييييييييييييييييييييي
ربنا ينتقم منهم بجد يعنى دا فى الاخر تكون جزاته هو عشان محترم وبيشتغل بشرف عشان يكسب
اللى يسعده فى حياته يبقى دى النهايه ................ بجد حسبى الله ونعم الوكيل ربنا على المنتقم
بس كدا احنا لو معملناش اى حاجه هيداس علينا لاننا بقينا ارخص من التراب اللى تحت رجليهم
.

_________________
avatar
Maha Hegazy
مدير عام
مدير عام

عدد الرسائل : 1086
تاريخ التسجيل : 09/10/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مصر بلد الامن والامان

مُساهمة من طرف amira_fahmy في الأحد يوليو 06, 2008 12:34 am

بجد حسبى الله ونعم الوكيل فى كل ظالم ومفترى وفى الظباط وفى القاضى وبجد انا مشعارفه اعبر عن اى حاجه من القصه المؤثره جدا دى
يعنى مش كفايه اللى الظباط عملوه فيهم ده
لا كمان وبعد المده دى
يطلعو الظباط براءه ويحبسوا المظلومين
وشكرا اوى يا على ع الموضوع المؤثر اووووووووووى ده
avatar
amira_fahmy
Beginner
Beginner

عدد الرسائل : 104
العمر : 27
تاريخ التسجيل : 28/01/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مصر بلد الامن والامان

مُساهمة من طرف aly_eltawargy في الأحد يوليو 06, 2008 1:41 pm



شكر يا مها انتي واميرة علي الردود

والظاهر كده حكومتنا وبلدنا دي مينفعش حد يعيش فيها

غير اللي ظهر والمسنود

لكن الفقير واللي بيجري علي اكل عيشه

هيتداس .......

وصدقوني دي مش اول حادثة تحصل بالمنطقة دي وبالبشاعة دي

لان ظباط وعساكر الحدود دول ما بيصدقوا يلاقوا حد معدي جنبهم

غير ولازم يا ما يقلوا ادبهم عليهم او يضربوهم بالرصاص

فعلا حسبي الله ونعم الوكيل فيكم وفي قضاء حكومتنا الموقرة

وفي جنة الخلد شهيد باذن الله يا اسامة



وصبركى الله يا أم أسامة وصبر كل مظلوم مسلم

avatar
aly_eltawargy
Professional
Professional

عدد الرسائل : 845
العمر : 29
البلد : Ismailia
تاريخ التسجيل : 11/09/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مصر بلد الامن والامان

مُساهمة من طرف tefa في الأحد يوليو 06, 2008 3:02 pm

لا حول ولا قوة الا يالله

حسبنا الله ونعم الوكيل
avatar
tefa
Professional
Professional

عدد الرسائل : 465
العمر : 28
البلد : مصر
تاريخ التسجيل : 04/08/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مصر بلد الامن والامان

مُساهمة من طرف mero love في الأحد يوليو 06, 2008 5:03 pm

شكرا يا على وبجد
لا حول ولا قوة الا يالله
حسبنا الله ونعم الوكيل
ويخرب بيت كدا دى ح.... بنت ...................
avatar
mero love
Professional
Professional

عدد الرسائل : 506
البلد : cairo
تاريخ التسجيل : 28/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مصر بلد الامن والامان

مُساهمة من طرف raghda_hassen في الأحد يوليو 06, 2008 9:40 pm


انا بجد مش عارفه اقول ايه غير

حسبي الله ونعم الوكيل
avatar
raghda_hassen
Professional
Professional

عدد الرسائل : 1204
العمر : 28
البلد : Egypt
تاريخ التسجيل : 02/10/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى