حملة ضد

استعرض الموضوع السابق استعرض الموضوع التالي اذهب الى الأسفل

حملة ضد

مُساهمة من طرف I_AM_LEGEND في الخميس مايو 22, 2008 3:29 pm

السلام عليكم ورحمة الله وبركاته

ديه فكرة جديدة لمواضيعنا في المنتدى عشان تكون مش مؤثرة بس في حياتنا , لكن مؤثرة في الأمة كلها . وده مش بعيد خالص ان البداية تكون من منتدى صغير ومكان متواضع زي ده

الفكرة ان احنا كل فترة هنعمل حملة ضد حاجة معينة حاسين انها لازم تتغير في حياتنا لكن مش قادرين , او محتاجين حد يساعدنا ويشجعنا
وهنبدأ ننشر الحملة ديه في كل مكان في المنتدى او خارج المنتدى لغاية ما صوتنا يوصل للناس كلها , وبعدين نبدأ حملة جديدة ضد حاجة جديدة

وأول حملة حبيت اني انظمها

عنوان الحملة

عرّب حياتك


شعار الحلمة

وكم عز اقوام بعز لغات


صورة الحملة



ماذا عن الحلمة

بصراحة انا شفت شعوب كتير, ولاحظت ان كل اللي اتعاملت معاهم بيعتزوا بلاغتهم اوي ,

يعني لا قيت الألمان كلهم شغالين على ويندوز الاماني ولاقيت اليبانين كلهم شغالين على ويندوز ياباني , والصينين كلهم بدون استثناء شغالين على ويندوز صيني - رغم ان اللغة الصينية لغة قديمة جدا ولا يمكن ان تكون لغة رقمية -
ولكن عمري ما شفت شخص عربي بيشتغل على ويندوز عربي , مش عشان هو مثقف وبيعرف انجليزي كويس ,,, لا
للاسف عشان بيكسف يشتغل على ويندوز عربي
وانا واحد من الناس ديه , اللي عمري ما فكرت انزل ويندوز عربي , ويمكن لو كنت شفت حد بيستخدم ويندوز عربي كنت هتريق عليه

لكن بصراحة لاز نرجع تاني للغتنا , وطبعا بما ان معظمنا اصبح من شباب الانترنت , كان لا بد للبداية ان تكون من هنا , من امام هذه الشاشات

وانا اول واحد قررت اغير , وفعلا غيرت وبكتب الكلام ده من ويندوز عربي , والموضوع ما كلفنيش وقت كتير غير 10 دقايق بس

كل اللي عملته اني حملت الملف ده




شرط الحلمة

ان ما حدش يكتب كلام عربي بحروف انجليزي, ايا كان العذر

كلمتي عن الحملة

هقولها بعد ما اشوف رأي الأعضاء



عدل سابقا من قبل I_AM_LEGEND في الخميس مايو 22, 2008 10:56 pm عدل 1 مرات

_________________

[/center]
avatar
I_AM_LEGEND
مؤسس المنتدى
مؤسس المنتدى

عدد الرسائل : 1025
العمر : 28
البلد : أم الدنيا
تاريخ التسجيل : 02/08/2007

معاينة صفحة البيانات الشخصي للعضو http://steps.justgoo.com

الرجوع الى أعلى الصفحة اذهب الى الأسفل

رد: حملة ضد

مُساهمة من طرف alaa في الخميس مايو 22, 2008 6:11 pm


ربنا يباركلك علي افكارك الحملة فكرتها جديدة وحلوة أوي والمجتمع في أمس الحاجة لهذه الحملة والبداية قوية جدا بس محتاجين أقتراحات لسه كتير لكي تتكتمل الحملة




اقتارحاتي للترويج للحملة :


1-نشر الحملة في اشهر المواقع والمنتديات علي الأنترنت


مثل موقع عمرو خالد


2- لمن يرغب معنا في الأشتراك في الحملة ستعقد يوم 15/6 مثل ورشة عمل في المنتدي لطرح اقتراحاتكم بشأن أختيار بوستر للحملة وسيبدء تنفيذ البوستر بمجرد الإتفاق عليه .


3-نشر الحملة علي موقع فريق حياتي لله




هذا الفريق مختص للقيام بحملات أجتماعية وناس كتير منضمين للفريق وهينشروا فكرة الحملة علشان كده اقترحت إن تنتشر الحملة علي جروب حياتي لله.


3- ممكن يتنفذ جروب علي الفيس بوك تتنشر من خلاله فكرة وأهداف الحملة .


3-انا بفكر في فكرة هحاول أعملها إن شاء الله هيكون ليها اثر كبير علي الناس وهرد عليك يوم 17/6 لو توفقت في هذه الفكرة .




بعد ذلك هنبدأ في مرحلة التنفيذ الفعلي لهذه الحملة وسيتم الإتفاق عليها بعد ما نشوف أراء الناس في المنتديات التانية بس إن شاء الله هتبدا علي أخر شهر 6


اول مرحلة في التنفيذ هتبدأ بلصق البوسترات في الجامعات والشوارع


الفترة الزمنية للحملة هنتفق عليها إن شاء الله


انا متحمسة جدا لفكرة الحملة ولو أتنفذت هتفيديني في مجال دراستي جدا .


هخلص أمتحانات إن شاء الله وأتفرغ للموضوع ده إن شاء الله اتمني إنه يكون فيه تفاعل من الأعضاء للمشاركة في الحملة الموضوع مش سهل محتاج مجهود كبير .حتي لو ما لقيتيش حماس من الاعضاء انا هنفذها مع نفسي كده المهم إنها هتتنفذ لانها بجد عجباني جدااااا


يا جماعة الحملة دي إن شاء الله لو تمكنا من تنفيذها هنستفاد جدا قبل ما نفيد المجتمع مش قادرة اقولكم كم الأستفادة إللي هتعودعلينا لا تقارن بأي ماديات علي الإطلاق




في إنتظار أقتارحاتكم وتعليقكم علي الاراء اي تعليق أو نقد علي الافكار ياريت نناقشها .




بحيييك جدا علي فكرتك الرائعة ما فيش كلمة تعبر عن سمو ورقي فكرة الحملة والشعار جميل اووووووووي .


جزاك الله كل خير

avatar
alaa
Professional
Professional

عدد الرسائل : 1078
تاريخ التسجيل : 03/08/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: حملة ضد

مُساهمة من طرف alaa في الخميس مايو 22, 2008 6:47 pm

يا جماعة هذه الاقتراحات للمرحلة الاولي من الحملة فقط بعد المرحلة الاولي هتطرح اقترحات للمرحلة التالية يعني الافكار إللي هتطرح من الأعضاء حاليا هتكون لاول مرحلة لأن حملة التسويق الاجتماعي بتكون علي أكتر من مرحلة هنتفق إن شاء الله علي مدة الحملة ومراحلها . ،
avatar
alaa
Professional
Professional

عدد الرسائل : 1078
تاريخ التسجيل : 03/08/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: حملة ضد

مُساهمة من طرف حور مقصورات فى الخيام في الخميس مايو 22, 2008 10:42 pm


مشاء الله تبارك الله

فكره رائعه فعلا

وانا كنت شوفت احد الاخوه فى احد المنتديات عامل فكره مماثله لفكرتك يا احمد

مش عارف اسميه ايه

شوفو يمكن تلاقى افكار تساعدك فى تنفيذ فكرتك

جعله الله فى ميزان حسناتكم


avatar
حور مقصورات فى الخيام
New Step
New Step

عدد الرسائل : 27
العمر : 31
تاريخ التسجيل : 21/04/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: حملة ضد

مُساهمة من طرف tefa في الخميس مايو 22, 2008 11:46 pm

ما شاء الله يا باو هاشم الموضوع حلو بجد

شكرا علي المجهود الرئع ده
avatar
tefa
Professional
Professional

عدد الرسائل : 465
العمر : 28
البلد : مصر
تاريخ التسجيل : 04/08/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: حملة ضد

مُساهمة من طرف raghda_hassen في الأحد مايو 25, 2008 7:11 pm

بجد افكار حلوة جدا واقترحات احلى
بجد انتو شباب بيعرف يفكر اوى بس للاسف محدش بيعرف يستغلكو صح
بس انا مش هقدر ادخل معاكو فى اول حمله لانها صعبه عليا انا اتعودت على الكومبيوتر كدة وبجد هحس بحول شديد لو غيرته
خلينى كدة احسن بس انا طبعا معتزة بلغتى
لغه الضاض
avatar
raghda_hassen
Professional
Professional

عدد الرسائل : 1204
العمر : 27
البلد : Egypt
تاريخ التسجيل : 02/10/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: حملة ضد

مُساهمة من طرف I_AM_LEGEND في الأحد مايو 25, 2008 7:57 pm

شكرا يا جماعة على كل الردود اللي انتو ردتوها , وبجد انا متشكر جدا على تأييدكم ليا رغم صعوبة الموضوع اوي

وعلى فكرة يا رغدة كلنا اتعودنا على الكمبيوتر بالانجليزي , وصعب جدا اننا نغيره , وانا عمري ما توقعت اني اشتغل على كمبيوتر عربي خصوصا ان المصطلحات العربية في الكمبيوتر مش منهجية ومش صحيحة , لكن والله لو حاولنا هنقدر, وممكن كمان يبقى على ادينا اول تغير جذري في لغتنا وفي مستقبل لغتنا , وانا شايف انها خطوة مهمة جدا اننا نبدأها من الكمبيوتر.
بس انا على فكرة موقف الكلام في الحملة ديه دلوقتي لغاية ما اخلص امتحانات, لكن بعد كدة هشجع الموضوع اوي وهعمل كل اللي بوسعي عشان اوصل الفكرة ديه
raghda_hassen كتب:

انا طبعا معتزة بلغتى
لغه الضاض

وطبعا يا رغدة كلنا معتزين بلغتنا جدا لكن للأسف كلنا بنبعد عنها وبنجيد لغات تانية اكتر منها
وعلى فكرة (ض) بتكتب كدة : ضاد

_________________

[/center]
avatar
I_AM_LEGEND
مؤسس المنتدى
مؤسس المنتدى

عدد الرسائل : 1025
العمر : 28
البلد : أم الدنيا
تاريخ التسجيل : 02/08/2007

معاينة صفحة البيانات الشخصي للعضو http://steps.justgoo.com

الرجوع الى أعلى الصفحة اذهب الى الأسفل

رد: حملة ضد

مُساهمة من طرف raghda_hassen في الأحد مايو 25, 2008 8:18 pm

انت بتقول ان الكومبيوتر بالعربي مصطلحات مش منهجيه ومش صحيحه
انت شايف كدة خطوة لقدام يعنى احنا كدة بنتقدم
انا مش ضد الفكرة خالص لا بس انا شايفها من زاويه تانيه طمل ما احنا هنستخدم الكومبيوتر نستخدمه انجليزى عادى دى ملهاش دعوة بلغتنا


ولا تزعل لغه ض كدة
ولا كدة ضاض ولا كدة ضاد
avatar
raghda_hassen
Professional
Professional

عدد الرسائل : 1204
العمر : 27
البلد : Egypt
تاريخ التسجيل : 02/10/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: حملة ضد

مُساهمة من طرف GYGY في الأحد مايو 25, 2008 10:30 pm

اولا احيك جدا يا احمد على الموضوع الرائع ده
ثانيا انا الحقيقه ليا رأى مختلف شويه
ان جينا نتكلم على تمسك العرب بلغتهم فمش قضيه لغه الكمبيوتر ايه قد ما هي انت لما بتسافر برا بتتكلم ايه
يعنى شوف اي عربي في اي بلد مش بتتكلم عربي هتلاقي الكل بيتكلم بلغه البلد دي او بألأنجليزي كلغه وسط
لو عديناها وقولنا ماشي احنا فى بلدهم مش مهم
طيب ليه لما هما بيجوا بلدنا بردو بيتكلموا بلغتهم واحنا بردو بنرد عليهم بلغتهم مش لغتنا
للدرجه دي اللغه العربيه مش مهمه
اللغه العربيه مش صعبه زي ما الناس متخيله بالعكس والي يتعلم اي لغه يتعلم العربي مش قضيه كبيرة يعني
طيب ليه احنا مهتمين نتعلم لغات غريبه عننا ونتكلم بيها حتى فى بلدنا وهما بيحتفظوا بلغتهم جدا وبيرفضوا يتكلموا بلغه غيرها غير فى الضرورة
avatar
GYGY
Professional
Professional

عدد الرسائل : 437
العمر : 28
البلد : بورســعــيـد
تاريخ التسجيل : 07/08/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: حملة ضد

مُساهمة من طرف I_AM_LEGEND في الإثنين مايو 26, 2008 4:36 am

raghda_hassen كتب:
انت بتقول ان الكومبيوتر بالعربي مصطلحات مش منهجيه ومش صحيحه
انت شايف كدة خطوة لقدام يعنى احنا كدة بنتقدم
انا مش ضد الفكرة خالص لا بس انا شايفها من زاويه تانيه طمل ما احنا هنستخدم الكومبيوتر نستخدمه انجليزى عادى دى ملهاش دعوة بلغتنا


ولا تزعل لغه ض كدة
ولا كدة ضاض ولا كدة ضاد

يا رغدة انا عشان ارد عليكي في النقطة ديه , لازم ارد بتوسع جدا وهيكون الرد طويل اوي وممل عشان اقنعك 100% بفكرتي
لكنت انا هرد عليكي رد بسيط جدا , وممكن بعدين لما افضى شوية من الامتحانات ابقى ارد رد طويل واتوسع فيه زي ما انا عايز

بصي يا رغدة , في طرق كتير جدا احسن من الطريقة ديه تخلينا نرجع للغتنا , ونتقدم جدا , وفعلا مش معنى اننا عملنا الكمبيوتر عربي يبقى احنا كدة خلاص اتقدمنا,
لكن انا عمري ماكنت هقدر افرض على كل واحد انه يتكلم باللغة العربية الفصحى عشان يقوي لغته العربية , ولا اقدر اطلب من حد انه ياخد كورسات عربي عشان نسترجع اللغة العربية في كلامنا. ولا ينفع انادي بتغير مناهج العربي في المدارس ووضع مناهج مفيدة
لكن ديه الحاجة الوحيدة اللي كنت ممكن اتوسل من الناس انهم يعملوها - انهم يحاولوا يستخدموا الكمبيوتر بالعربي -, لان ديه احسن طريقة واكثرهم افادة
---
احنا طبعا كلنا درسنا انجليزي في المدارس , وخدنا كلمات ممكن تفيدنا اننا نكلم بيها
والكلمات اللي اخدناها في المدارس كانت مثلا apple - school - engineer - teacher - eat

مش هي ديه برده الكلمات اللي احنا كنا بناخدها في المدارس من واحنا صغيرين
لكن عمرنا ما قلنا انا جعان اوي وعايز eat
ولا عمرنا قلنا انا نفسي اكل apple
ولا قلنا انا بابا شغال engineer

لكن في المقابل كلنا بنقول
افتح الـ folder ده
اعمل للملف ده delete
افتح الـ control panel
ابعتلي الـ link بتاع الموقع
وحاجات كتير تانية احنا بنقولها كل يوم
وكل ديه مصطلحات احنا بنشوفها في الكمبيوتر بس

معنى كدة ان تأثير المناهج اللي احنا بندرسها على كلامنا يكاد يكون 0%
لكن تأثير شغلنا على ويندوز انجليزي يعدي الـ 90%

ومن هنا ظهرت أهمية استخدام واجهة الكمبيوتر في التأثير على لسان الشعب
ديه اول نقطة .

تاني نقطة , اني قلت ان اللغة العربية في الوينودوز مش منهجية ومش صحيحة, والسبب في كدة ان العملية عرض وطلب, والناس كلها شايفين العرب بايعين القضية , ومش عايزين الكمبيوتر يبقى بلغتهم- اللي هو اكتر جهاز بقينا بنتعامل معاه في اليوم - فاكيد عمرهم ما هيعملوا ويندوز عربي 100%
لكن لو احنا زاد طلبنا على الويندوز العربي هيزيد الاهتمام , وشوفي بقى ايه اللي هيحصل

-اولا هيزيد الطلب والاهتمام بالمبرمجين العرب , اللي هم عقولهم اصلا خارقة بس عايزين حد يساعدهم , وكدة هتكون جاتلهم المساعدة وهياخدوا فرصتهم.

-ثانيا ممكن تتحول لغة البرمجة للعربية , زي ما اتحولت لليبانية والصينية بعد ما زاد الطلب عليها , مع انه كان شئ مستحيل, ولو اتحولت لغة البرمجة
للعربية , يبقى كل حاجة هتتطور في حياتنا لان كل حاجة دلوقتي من ابسط حاجة لاهم حاجة معتمدة على البرمجة .


ثالثا بما اننا عندنا عقول عربية رهيبة , ده اكيد هيخلينا نبدع ونتميز في حاجات كتير جدا لو اعتمدنا على لغتنا 100%, وكدة هنجبر ناس كتير اوي انهم يتعلموا لغتنا عشان يقدروا يستفيدوا مننا , وديه اهم نقطة اننا نعرض بيها ثقافتنا ومبادئنا على الشعوب الأخرى ونبدأ احنا اللي نأثر فيهم مش هم اللي يأثروا فينا

وفي حاجات تانية كتير اوي , ممكن افضل اكتبلك 10 ساعات عن فايدة الفكرة ديه , ومش هخلص برده كلام .
لكن كفاية دول دلوقتي , وياريت لما نفكر في حاجة من نبصلهاش من اضيق زاوية ... المفروض ندور على اوسع زاوية ونبص منها , عشان نعرف نبص لبعيد اويييييي

يارب تكون فكرتي كدة وصلت ,واسف عشان طولت عليكم في الكلام وانا عارف اني ممل واحتمال اكون زهقتكم , بس اروجوا انكم تكونوا اقتنعتم
لان بجد اللي خلانا ورا اوي كدة , اننا بعدنا عن لغتنا وعن دينا , وموضوعنا دلوقتي لغتنا , ياريت نحاول نرجعلها ومانفتكرش الموضوع بسيط ومش مهم
ومانقولش فيها ايه لو استخدمنا الكمبيوتر بالانجليزي , او فيها ايه لو اتنازلنا عن لغتنا في التكنولوجيا والتطور ومواكبة العالم الجديد, لان ما حدش بيعمل كدة غيرنا.

وعلى فكرة انا بحب اللغات جدا , وبعشق دراسة اللغات, ونفسي اتقن لغات كتير, لان فكرتي ديه ما بتعارضش اني اتعلم اللغات التانية واتقنها....


عدل سابقا من قبل I_AM_LEGEND في الإثنين مايو 26, 2008 3:13 pm عدل 1 مرات

_________________

[/center]
avatar
I_AM_LEGEND
مؤسس المنتدى
مؤسس المنتدى

عدد الرسائل : 1025
العمر : 28
البلد : أم الدنيا
تاريخ التسجيل : 02/08/2007

معاينة صفحة البيانات الشخصي للعضو http://steps.justgoo.com

الرجوع الى أعلى الصفحة اذهب الى الأسفل

رد: حملة ضد

مُساهمة من طرف alaa في الإثنين مايو 26, 2008 2:17 pm

الله علي ردك جميل اووووي ومقنع جدا اانا اصلا مقتنعة بالحملة ومتحمس ليها جدا بس ردك زادني اقتناعا وإيمانا بالفكرة
حضرتك ما طلوتش خالص بالعكس كنا عايزين نعرف اكثر عن فكرتك وياريت بعد الامتحانات تشرح وجهة نظرك باستطالة أكثر ذلك علشان تقنع اكثر الناس بجد انا بشكرك جدااا ومش عارفة ارد اقول إيه علي ردك لان بعده ما فيش رد غير ربنا يكرمك ويعزك ياااااااارب
اول ما الامتحانات هتنتهي هتبدأ في نشر الحملة اوك
avatar
alaa
Professional
Professional

عدد الرسائل : 1078
تاريخ التسجيل : 03/08/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى