القواعد السليمة للإرتباط السليم ..

اذهب الى الأسفل

القواعد السليمة للإرتباط السليم ..

مُساهمة من طرف A7mad Alkady في الجمعة يناير 18, 2008 9:18 pm

بسم الله الرحمن الرحيم ..

- القواعد السليمة للإرتباط السليم ..
مناقشة موضوع زى ده هتكون معقدة وهيتطور المجال فيها لأن الشباب عصبى فى موضوع الحب ده زيادة عن اللزوم لو محبش ميقدرش يعيش ..
مش هأرجع لورا وأقولكم حرام وإلا حلال خلونا نتناقش فى إطار إجتماعى لتققيم الموقف بأمر سليم ..

- أولاً الإرتباط شئ جميل جداً وأسمى عاطفة خلقها الله تعالى هيا عاطفة الحب لكن للأسف الإنسان مسابش حاجة إلا لما بوظها ولوثها وخلى شكلها وحش حتى الحب بقا فيه غش وخداع وخيانة ومصلحة وحاجات كتير أوى ..
كل يومين فلان حب فلانة وإرتبطوا وكمان شوية ده طلع ندل ودى طلعت مش عارف إيه وهو يرتبط بعديها بيومين ببنت تانية صاحبتها عشان يغيظها تقوم هيا متغاظة ومرتبطة بالود أنتيمه وهلم جره وكل شغل مياعة وضحك ع الدقون وتلاعب بإسم الحب وخلاص ..
لازم نعترف إن 99% من حالات الإرتباط فاشلة وده بسبب الطرفين سواء الولد أو البنت ..وخلونا نقول الولد طالب فى جامعة والبنت زيه هيتخرج مش لاقى يآكل هيروح لأهلها ويرجع أفاه يأمر عيش وهى فى الوقت ده هتكون بنت بابا وماما المطيعة اللى بتسمع الكلام وتقوله خد الدبدوب بتاعك وهات حاجتى بلا وش وتتجوز وهو بعديها بسنتين وإلا اكتر يتجوز وممكن يقابلوا بعض وميعرفوش بعض .. ومن ده كتير وممكن نقول 100 قصة ورواية ..
أول شئ يا شباب الخير لازم تعرفوا إن الشئ اللى بيتولد فى الضلمة عمره ما هيخرج للنور أبداً والشئ اللى بيبنى على أساس ضعيف بيفشل فى أغلب الأحيان لأنه مع الزمن بيضعف أكتر ومبيقدرش بعد كده يقف على رجليه ..
يعنى لو هنبدأ مسألة الحب لازم يكون فيه شرطين :

1- أن الحب ده يكون فى النور .. مش فى سينما وإلا كافيه من إياهم ..
2- أن يكون بمعلومية أهل الطرفين .

-خلينا نناقش
المبدأ الأول :

البنت لازم تكون فاهمة كويس إن الولد اللى بيحبها وما إحترمهاش زى اخته يبقى مبيبحهاش حب صفى نقى وطاهر .. يعنى لو هيمسك إيديها ويحط إيديه على كتفها وناقص يشيلها ويمشى بيها فى الشارع (ما الواحد بيشوف كتير ) الولد ده لسا بيعيش سن مراهقة وبيحكمه الشهوة وليس الحب .. ونحسبها كويس إسأل كل الشباب المرتبطين عن إخواتهم البنات وقوللهم ترضى أختك ترتبط أو زى ما بتمسك إيد فلانة ترضى فلان يمسك إيد أختك .. طبعاً الجواب محفوظ وكل واحد فيهم هيعمل شمشمون وهيهد المعبد على اللى فيه لو حد مس شرف أخته بكلمة .. طاب البنت اللى إنتا بتحبها دى مالهاش كرامة وإحترام وقلب لازم تحافظ عليهم .. وإلا الحب بقا كلام فى التليفونات وخروجات ووقت المسؤلية .. كل واحد يجرى يشوف سكته إحنا مننفعش لبعض .. يبقى متجيش بنت تقوللى لو ممسكش إيدى هيبقى مش بيحبنى .. والولد كمان يقوللى كد عشان ده ذنب ممكن يؤدى والعياذ بالله لجرم .. يعنى من سماحة القرن ال 21 سايب كل الشباب يحب وينبسط بس على الأقل الشباب دول يحترموا آدميتهم ودينهم ونفسهم عشان مشوارهم ينتهى على خير ده إذا كانوا فعلاً بيحبوا بعض ما هياش شوية مراهقة إشباع عاطفى والسلام ..

2 - المبدأ الثانى :

البنت اللى مبتحترمش أهلها ومبتقدرش ثقتهم فيها تبقى مش هتحترمك ولا هتقدر ثقتها فيك .. إحنا عايزين نحط للإرتباط إطار إجتماعى موثوق يبقى ماشى فيه .. عن طريق الأهل عشان ميبقاش شئ تافه زى ما كله بيقول .. يبقى إنتى تقولى لوالدك ووالدتك ( شايف حد هيكتبلى فى الرد أهلى صعايدة مش هيوافقوا ) أظن إحنا دلوقتى فى زمن مفيش ولد أو بنت بيتجوزوا غصب عنهم إلا ما يندر حدوثه .. يعنى بمعنى أصح إذا كان شاب كويس ومتدين وبتحبيه وماله لو تقولى لبابا أو ماما الأقرب ليكم وتعملوا حاجة قدامهم أحسن ما يكون من وراهم وأكيد هما هيحترموا رأيكم ومشاعركم وإحترامكم ليهم قبل كل شئ .. نيجى للناحية التانية خايفة تقول لباباها دلوقتى لأحسن هو عصبى وممكن يقعدها فى البيت . . طاب يا حلو البنت اللى مالهاش شخصية وخايفة تقول لباباها وإحنا لسا على البر أومال جوا هتعمل إيه ؟؟
برضه لازم يكون فى إحتياطات يبقى والدها عارف ظروفك وإمكانياتك عشان متآخدش بمبمبة فى الآخر وتقول يا ريت اللى جرى ما كان .. طاب هو مش عايز يقول لمامته لأحسن مامته عايزاه لبنت خالته .. يبقى ولد معندوش شخصية والمفروض يآخد الرضعة من مامته قبل ما ينزل وبعد كده يبقى يقول أنا عايز أرتبط وأحب حب بجد ..

الموضوع له ملابسات كتير أكيد هتبان من الردود وبينا كده نتناقش لحد ما نوصل حل نقفل بيه مشروع الإرتباط الودى ونبدأ مشروع تانى ناجح وبنسبة أكبر إسمه مشروع الإربتاط الموثوق ..
avatar
A7mad Alkady
Professional
Professional

عدد الرسائل : 1120
العمر : 30
تاريخ التسجيل : 05/08/2007

معاينة صفحة البيانات الشخصي للعضو http://www.djtiesto.com

الرجوع الى أعلى الصفحة اذهب الى الأسفل

رد: القواعد السليمة للإرتباط السليم ..

مُساهمة من طرف raghda_hassen في السبت يناير 19, 2008 12:42 pm

lol! فى الاول احب اشكرك جدا جدا على المناقشه فى هذا الموضوع
ثانيا بقي انا عن نفسي مبعترفش بحاجه اسمها ارتباط
ارتاط دة يعنى خطوبه على طول (قدام الناس كلها )
اقدر اعرف ازا كان دةانسان محترم هقدر اكمل معاه حياتىولا؟؟؟
وانا شخصيا بافضل الجواز التقليدى على الاقل ناجح
امال نسبه الطلاق عليا ليه الايام دة؟؟؟
avatar
raghda_hassen
Professional
Professional

عدد الرسائل : 1204
العمر : 27
البلد : Egypt
تاريخ التسجيل : 02/10/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: القواعد السليمة للإرتباط السليم ..

مُساهمة من طرف nourhan في السبت يناير 19, 2008 9:09 pm

اولا ميرسى جدا ليك يااحمد ع الموضوع الهايل ده... ثانيا انا موافقة رغده ع رايها ده وبجد هو ده كمان نفس رايى بالظبط..
avatar
nourhan
Professional
Professional

عدد الرسائل : 505
العمر : 27
تاريخ التسجيل : 11/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: القواعد السليمة للإرتباط السليم ..

مُساهمة من طرف Ahmad_Shaltout في السبت يناير 26, 2008 1:18 pm

اولا اشكرك على الموضوع وعلى الاراء

بس عايز اقول حاجه ....ليه مش بنعترف بالارتباط طالما انه بشروط يوافق عليها الطرفين وممكن كمان تعرفي اذا كان محترم وتقدري تكملي معاه حياتك ولا؟؟؟؟ من خلال فترة الارتباط
انا ده رايي مع احترامي لراي رغدة ونورهان

Ahmad_Shaltout
Beginner
Beginner

عدد الرسائل : 170
العمر : 27
تاريخ التسجيل : 25/01/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: القواعد السليمة للإرتباط السليم ..

مُساهمة من طرف mohamedibraheem في الإثنين فبراير 04, 2008 1:51 pm

انا مع احترامي لكل الاراء بسايه اللي يمنع من الارتباط طالما مستوفي الشروط بمعني انه راح كلم اهلها وكده ومفيش مشاكل وطبعا الاختلاف في الراي لا يفسد للود قضيه وشكرايا قاضي
avatar
mohamedibraheem
amateur
amateur

عدد الرسائل : 334
العمر : 27
تاريخ التسجيل : 02/10/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: القواعد السليمة للإرتباط السليم ..

مُساهمة من طرف العرافة في الخميس فبراير 07, 2008 5:21 pm

اولا اشكرك على فتح الثقاش فى هزا الموضوع ثاثيا طالما هيروح يقابل اهلها اذا الارتباط متوافى كل الشروط لان الارتباط بدون علم الاهل لا يكون ارتباط صحيح

العرافة
New Step
New Step

عدد الرسائل : 10
تاريخ التسجيل : 07/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: القواعد السليمة للإرتباط السليم ..

مُساهمة من طرف tefa في الخميس فبراير 07, 2008 7:03 pm

شكرا علي الموضوع الحلو ده
بس انا عايز اقولك ان 99في المية من المرتبطين مش بيكملو ده غلط
لان في مرتبطين بيفضلو مع بعض علشان بيكونو بدؤ الارتباط صح مش بيكونو عيزين يتسلو وخلاص
avatar
tefa
Professional
Professional

عدد الرسائل : 465
العمر : 28
البلد : مصر
تاريخ التسجيل : 04/08/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: القواعد السليمة للإرتباط السليم ..

مُساهمة من طرف A7mad Alkady في الخميس فبراير 07, 2008 7:23 pm

فعلا يا تيفا ودا غلط موووووووووووووت
avatar
A7mad Alkady
Professional
Professional

عدد الرسائل : 1120
العمر : 30
تاريخ التسجيل : 05/08/2007

معاينة صفحة البيانات الشخصي للعضو http://www.djtiesto.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى